smilebox frå Etnedal

Create your own free digital slideshow

Om advent, kalender, hysteri og skilnaden på idè og praksis



Malene ryddar ned adventskalendaren i fjor, no ligg den klar til 1.desember.

Eg insisterar på at det heiter adventskalender, ikkje julekalender. Eg insisterar på at adventskalenderen ikkje er ei minijulafta kvar dag, men ein måte å telle ned.

Adventskalendaren skal ikkje påføre mødre eller bestemødre stressymptom i lange tider, for å få klar alle kalendergåver i tide. Å finne små, fine, nyttige gåver som passar.

SÅ, då eg vart mor for snart fire år sidan var eg ganske klar på dette, og er det framleis. jentene har aldri masa om å få julekalender, me har aldri hatt behov for noko forklaring på det.

Misforstå rett, me har adventskalender. Eg har kjøpt ein som kan brukast år etter år, og som er heilt flott. Det er ein kalender med små bøker. kvar bok har eit tal og er eit eventyr. Det er eit Disney-produkt, med historiar om Pinokkio, Askepott o.l. I kvar bok er det ei lita hempe, slik at bøkene kan hengast opp etter at dei er tatt ut og lest. Heilt etter min smak. Ei lita historie saman, kvar dag. Ein fin måte å telje ned til jul på, både for små og store.

So er det likevel slik, at eg er ikkje eineveldig i livet til ungane mine. (sukk.. ;-))

Med ein storebror som har ein svær lego starwars kalender på rommet, er denne idealistiske idyllen vanskeleg å bevare. Om ikkje umogeleg. SÅ, då vert det kalender på dei små i år.

Heldigvis, trass alt, finnst det mange fine kalendarar å velge i. Eg har ikkje fallt i "lage noko fint og personleg" fella, og godt er det!

Det eg har er derimot å finne ein fin Mummi-kalender.

Så, no blir det historielesing og mummifigurar. Greit nok. Familielivet handlar kanskje om balanse og om å vite kva som er dei viktige kampane?

Den nye Mummi-kalendaren frå www.lekmer.no


Ha ein fin snartadventstidtysdag!

telefonblogging

Med den gamle mobilen min var det så greit å sende bilder og blogginnlegg. Har ikkj eheilt skjønt det med den nye. Den nye har eg hatt sidan juni, mulig eg er litt treg.

ei lita påminning, Tvillingforeldrenes ABC

Tvillingforeldrenes ABC

Avlastning - noe jeg trenger og drømmer om nå.
Bleieskift - de ca 6000 på et år.
Circus - hovedattraksjonen er den åttearmede mor.
Dobbelamming - er stor utfordring.
Endelig sover de begge to.
Fødselsdag feirer vi dobbelt en gang i året.
Godnatt sier vi for 10de gang når begge barna har kastet smokken på gulvet og står og hopper i sengen.
Humor - dobbelt så moro med tvillinger.
Ingen fritidsproblemer.
Ja takk sier vi lynraskt til hjelpere før de får tenkt seg om.
Kjærlighet - viktig å ta vare på.
Lurveleven - hele tiden.
Måltid - en gang en rolig stund.
Neste gang skal vi bare ha en.....
Optimisme - det barnevakter er fulla av når de kommer.
Pessimisme - det de er preget av når de går.
Quo vadis - hva vil fremtiden bringe?
Rosiner som vi deler ut for noen minutters fred.
Sammen er vi dynamitt!
Tyve fingre - tyve tær - hurra det ble en til oss hver!
Ultralyd i 19de uke da legen spurde hvor mange barn vi hadde bestillt.
Vask, vask og atter vask....
Wc - der jeg aldri får sitte i fred.
X-tra av alt - klær, leketøy, penger og ikke minst tålmodighet.
Yuccapalme - husets stolthet inntil den ble offer for Tarzan og Jane.
Zoologisk hage - huset er fullt av apekatter.
Æsj - denne maten liker vi ikke!
Ønsket om trippende føtter i huset - ble oppfylt og vel så det.
Åh, så fint det er å ha tvillinger!!!!!!!!!!

(Tvillingforeldre foreningen)

Arbeidsmiljødagen

For oss som er heldige nok til å jobbe på Høgskolen i Oslo og Akershus, eller Oslo University College og Applies Sciences som det heiter i kortform.. so har me i dag fått vore på ei heildagssamling i Storsalen.
Mykje kan seiast og mangt kan meinast, og det om det meste, og i alle fall om å jobbe i Staten.

Eg skal berre formidle ei lukkekjensle. Ei lukke over å ha ein dag satt av til å ta inn inspirasjon, kunnskap og å le. Le av oss og av dei andre. late meg underhalde og late meg reflektere.

Gode bidragsytarar og kvalitet i alle ledd.

Å avslutte med Christine Koht er jo absolutt ingen nedtur!

Og no.. klar for arbeidsmiljøfesten 2011!

konfirmasjonspresangen

 

Konfirmanten

Blå lagune

Flybussen frå keflavik gjekk via den blå lagune. Det var veldig greit, og gav oss ein fin start på islandsopphaldet.

 Silje sin femte gang for å sjå Geysir, og alle gangene har det regna. Ingen unntak no, trass i solstrålane ho hadde med.

 Regnet løya og eg prøvde å fange det utruleg fascinerande fenomenet med 30m sprut. Blanda hell, men stas var det å ha sett.

 Bursdagsjenta vart feira med middag på restaurant med eit namn som ikkje kan skrivast på norsk tastatur.. "Ved Tjønna". Nydeleg steinbit, lam og torsk.  Sjølv han som ikkje er glad verken i fisk eller sau skrytte av maten.

 Ingen Islandstur utan ridetur på ekte islandshestar. Min er den søte, svart og kvite. Faunir. Han var inspirert av Usain Bolt og likte best å vere i tet..

 Torkjell og Sokrates var gode vener uner heile turen, og Torkjell tok oppgåva som hjelpar særs alvorleg.

 Sol, øl (lettøl), utsikt og beina i varmt vatn. kan ikkje klage på mykje då!

 Å bruke tid på å bekymre seg over værmeldingar som sa 12 grader og regn var heilt unødvendig. Heldigvis!

 Utsikt mot Reykjavik frå fyret Grotta.

 Utsikt frå Perlan, eit artig perleforma utsiktspunkt/kafe/restaurant/museum m.m. bygd på toppen av Reykjavik sine varmtvatnstankar.

Viking malene med nytt utstyr.

Ekte viking Heidi med utstyret i orden.

Sjarmtrollparty

http://www.sjarmtrollparty.no/subdet58.htm

ISLAND

No reiser me snart til Island. Langhelg i Reykjavik for meg, storebror og fadderbarnet, nykonfirmerte Regine.
Gjett om eg gler meg!
Einaste er at veret er liksom litt blautt og kaldt. Som her..

Tips til kva ein skal finne på der på Sagaøya?

ISLAND

No reiser me snart til Island. Langhelg i Reykjavik for meg, storebror og fadderbarnet, nykonfirmerte Regine.
Gjett om eg gler meg!
Einaste er at veret er liksom litt blautt og kaldt. Som her..

Tips til kva ein skal finne på der på Sagaøya?

regn i juni og regn i august

Eg tenkte på det på veg til jobb i dag. Nærare bestemt tenkte eg på det frå krysset Geitmyrsveien Collets gate, og ned til lyskrysset Colletsgate-Ullevålsveien, at regn og ver er ganske rart.

I juni var eg og jentene åleine heime i ei god veke. Det styrtregna, det hølja og det ausa ned. Likevel var det ikkje noko spørsmål ved om me skulle sykle om morgonen. Ut av huset, jentene i sykkelvogna og avgarde. Så var det å skifte alt, frå innerst til ytterst når eg kom på jobb.

I dag høljar det ned. Eg sykla. Spurte om mannen kunne levere i barnehagen, argumenterte med veret. Vel framme på jobb slapp eg faktisk å byte truse, så HEILT gjennomvåt var eg altso ikkje. MEN opplevinga av å sykle i regn i august og å sykle i regn i juni, den er heilt ulik. So eg tenkte, på tidlegare nevnte strekning, på kva som kan gjere denne skilnaden. Og konkluderte, i det lyset skifta til grønt, at det har lite med sjølve syklinga, men med tida som ventar å gjere. I juni er det varmt og går mot varmare, dagane er lange, arbeidstida kort. I august derimot, er sommaren over og det vert mørkare, kaldare og meir travelt.

Om det skal vere ein slags konklusjon, som det nok ikkje er, så får det vere å sykle i det regnet som er, og ikkje tenkje så mykje på regnet som fall eller som skal falle..

Ha ein fin og regnfull dag!

Sjarmtrollparty

http://www.sjarmtrollparty.no

Eg har jammen bestemt meg for å forhandle sjarmtrollpartyleiker.
Ikkje for at eg er så glad i homeparty, men fordi eg har bestemt meg for å prøve å gjere litt andre ting enn eg pleier denne hausten. Dette er i alle fall noko heilt anna!

Vil du ha eit party heime hjå deg?
Ta kontakt, det er moro! Og vertinnegåvene er fine

Juhu!

fleire bøker..

jammen har eg lest meir i år, hadde jo heilt gløymt det.

Cecilia Samartin:
Mofongo

Pedro Juan Gutierrez:
den skitne Havanna-triologien

Vegard Bye / Dag Hoel:
Dette er Cuba - alt annet er løgn

Wendy Guerra:
Alle drar sin vei

Arto Paasilinna:
den elskelige giftblandersken

Hm, eg som trudde eg ikkje hadde lese så mykje. No må det seiast at to veker på Cuba utan born i tillegg til behageleg ferie i Danmark med lesetid har hjelpt på.

Neste prosjekt kan kasnkje vere tipset frå Lisa. :-)

Bøker so langt i år

Eg sat her og tenkte eg skulle ha lese meir. Så tenkte eg på kva eg har lese so langt i år.

Johan Theorin:
Nattefokk
Blodleie
Skumringstimen

Jo Nesbø:
Hodejegerne

Edvard Hoem:
Mors og fars historie

Hanne Ørstavik:
Presten

Håkan Nesser:
En helt annen historie

Lurer på om eg har gløymt noko no. Hm, held på med 100åringen som klatret ut vinduet og forsvann på lydbok. den er så artig at eg håpar den varar evig!

Store jenter, men mamma er sterk...

RIP Clarence!

The King of the Universe, the Big Kahuna, the Prince of the City, the Duke of Paducah — also known as the Big Man, Clarence Clemons..

Er heilt genuint trist i hjarta mitt. Tenk, the big man, biggest man, really.. er død. Me snakka jo om det etter forrige konsert i norge, at han såg litt redusert ut, men han kledde den digre stolen på scena.. Uansett, dette er eit tap og eg vil sette på ein god Clarence Clemons sax solo no!

vannkoppar x 2

No er me i gang..
Malene vart heime frå barnehagen i dag, 9 mistenklege prikkar gjorde at eg trudde det var vannkoppar på gang. Ho hr vore like pigg som vanleg, og ikkje klødd. men mistanken stemmer nok, for det har kome fleire prikkar og fleire av dei har væska seg.

Så kom ettermiddagen og barnehagen ringte. Heidi var slapp og hadde feber. Vannkoppar det og?

Reknar med me blir heime nokre dagar, ja.

bursdag

Hipp hurra for meg!

takk Telenor

Takk til telenor, så då er det takk til alle dei som betalar på mobilen sin og tenkjer det er litt dyrt, takk til dei som betalar breibandet sitt, men tenkjer det er litt dyrt, og takk til dei som betalar fasttelefonen sin og tenkjer at det er litt dyrt.. At dei betalar gjer at telenor kan spandere besøk på Tusenfryd for sine tilsette med familiar. og det var i går.

Lurte på om eg skulle skrive om korleis ein kan samanlikne morgonen etter Tusenfryd med ein morgon etter ei fyllekule, men fann ut at eg heller tek den takk telenor varianten..

Mannen pakka fem barn i bilen og henta meg på jobb. Så susa me (suse er vel å ta litt hardt i, men bilen rulla og gjekk fint i rekka av andre bilar som skulle sørover frå Oslo etter jobb på måndag)og rakk Tusenfryd.

Jentene hadde med seg ei nabojente som har fyllt fire, Oliver hadde med naboguten på åtte.

I fjor hadde me ei utfordring med å skjønne konseptet kø. Då var dei to år. I år er dei tre år, men kø er framleis ikkje heilt innarbeidd. Likevel vart det mange fine atraksjonar og kun få truslar om heimreise om det ikkje vart skjerpings.

"Merry go round"karusell, småfly, hoppe frosk, mini Pariserhjul, motorsyklar og bestefars bil vart fangsten for småbarnsavdelinga. Dei store samla russekort, køyrde radiobilar, huske og berg og dalbane.

Eigentleg er det ganske moro med slike parkar, men eg kjenner nok mest på at det er ei litt kvalmande overflod.. Men moro!

I tillegg til å vere med jentene sneik eg meg unna for ein tur i monster speed eller kva den enn heiter. Utruleg kor fort det går altso!

Ha ein finfin jobbedag!

verdas bokdag i dag

Den er visst flytta frå april til mai på grunn av påska. Hm, kanskje bokdagen er bestemt heilt frå bibelsoga?

Uansett, les de?
Eg har akkurat lese ferdig Wendy Guerra si "alle drar sin vei",
Det er ingen grunn til å lese denne boka om du syns Fidelismen fungerar bra og at Cuba er eit paradis. Dette er den andre sida av Cuba, der individet tapar og forsvinn i eit system som ikkje fungerar.

Frå omslaget

Alle drar sin vei er en roman basert på forfatterens egne dagbøker fra barndom og ungdom på Cuba i 1980-årene. Nieve Guerra er en moden jentunge, som ien Anaïs nin-aktig atmosfære forteller om livet sammen med sin ustabile mor og sin voldelige far. Vi befinner oss i en turbulent ungdomstid, der utdannelesen på et kunstakademi og de første forelskelsene er ingredienser i den store sorgen over at familie og venner forlater landet i tur og orden. dagboken er Nieves eneste fortrolige.
Alle drar sin vei er en åpenhjertig, usensurert og autentisk skildring av oppvekst på Cuba, av livet på en øy hvor folk føler seg så uendelig isolert fra resten av verden, skrevet av en som selv opplever det.

Ei fin bok å lese, særleg etter å ha vore på Cuba i vinter.

Påskeslutt

Kjenner at eg saknar påska. Kanskje difor eg var lukkeleg då kiwi hadde halv pris på all påskesnop i går? Uansett, eg fann ikkje påskeskum, så det vart berre eit par sjokoladeharar. Spørst om eg klarar å late vere å kjøpe meir, eg som skal vere åleine vaksen i huset heile helga..

Make a digital collage

Ein strålande søndag med koselege vener!

vårens vakreste eventyr?

Jepp, studieseksjonen stiller med lag i Holmenkollstafetten, og eg skal vere med!

http://www.holmenkollstafetten.no/

fin laurdag i vårsola

Helga er forbi og det er berre fine bilder og skitne kle som er att.. Laurdag var eg og jentene på sykkeltur ned i Nydalen for å returnere to bokpakkar på bokklubben.

Det er forresten ganske flott, å kunne stikke innom der med bøkene istaden for å sende dei tilbake. Det vert jo aldri gjort. Så utan gangavstand til Bokklubben hadde me nok hatt huset fullt av bøker..

Då me kom ned var det 30minutt til dei opna, så me kjøpte is og satte oss i sola. Det er flott å kjenne litt på roen og freden og gleda over årets første is i det fri.

Jentene er so flinke med syklane sine no, ser føre meg ein sommar med mange små og litt større utfluktar på desse farkostane. Malene har ikkje hatt lyst til å byte til to hjul, men no er det endeleg gjort. Blir spennande å sjå korleis ho taklar det.

fredag i stova

Eg har spelt kronespel på ipaden, Torger jobbar, på tv er det norske talenter og til middag var det taco. oh my god, snakk om standard latterleg spennande fredag. Det verste er at det er akkurat passe koseleg!

baby oda-fisken vår har vokse og eg trur ho er ein gut. Ho heiter tidvis Olav no..

God helg!

merkelege greier

Til å vere heilt blotta for interesse for intereiør, merke, hus og slikt, er eg overraskande (sjølvevaluering) mykje på intereiørsider på nettet, kosar meg med idear og anna eg aldri gjer noko med.

Akkurat no siklar eg over masse fint på
http://www.designdelicatessen.dk/

Besøk av baby-Olav

Sjå so fine! Stas med besøk av Ingvild og Olav. Skikkeleg stas med kvar si Ludde-bok og!

20 årsjubileum og Hafslotur

I helga har eg vore på Hafslo og feira 20 årsjubileum for ungdomsskulen.

Det har vore so kjekt og eg er so sliten.. Kjennest heilt rett ut! Eg hadde ein fin og roleg morgon med snuppene på fredag, leverte i barnehagen og tusla heim. Gjorde unna eit par ærend og tok flybussen. Altso, flybussekspressen.. den fortenar eit eige innlegg. Kva i alle dagar er det med den bussen og rutetider? Eg trur aldri eg har tatt ein buss frå Nydalen til Gardermoen som har gått når det er annonsert. Jaja, det gjer jo at eg står litt friare til å møte på busstoppet når eg meinar det bør kome ein buss. Som no, det skulle kome ein buss 1050, ein kl 1100 og ein 1110 og ein 1130. (So kan ein lure på kvifor det ikkje gjekk ein kl 1120, men den tanken får heller vente). So eg tusla opp og var der litt før 11. Då tenkte eg at kanskje det var på tide for 1050 bussen å dukke opp. Eg venta, såg, venta og lurte. kl 1112 kom det ein buss. kva er det liksom? Jammen bra eg alltid er ute i god tid og er eit bedageleg menneske.

Turen gjekk fint, flyet var fullt med halvkjendisar, så det var artig. Å vere på Hafslo utan ungar og utan mann er ganske uvant, ganske fint, men litt kjedeleg og. Jubileum med supre vener frå ungdomstida var heilt tipp topp! God mat var det og, mmmmm!

strikkeblogginnlegg..

Sidan dette er ein strikkeblogg... så kjem det endeleg eit nytt innlegg om Tang sine fantastiske evner som strikkerske.

Denne fine halsen har eg strikka heilt sjølv. Oppskrift, ide og inspirasjon henta eg i Fredrikstad hjå Hanna, der eg og jentene var i helga. Fredrikstad er kult altso, og kompisen i Fredrikstad er super stas. Håpar ikkje det er lenge til neste utflukt dit.

men tilbake til strikkinga.

Denne halsen er eit kvadrat (gryteklut) der det er satt på ein knapp i det eine hjørna. Så kan ein brette den i to, knappe på, og så er det stilig med ein pynteknapp framme.

Heidi bestilte grøn knapp, så då måtte mor leite litt, men den som leitar skal finne og alt det der. Jammen bra eg ikkje hadde brukt ekstraknappen på den grøne vinterkåpa mi. Knappen er fin og passa perfekt.

Kjolen ho har på er arv etter Sunniva. Skikkeleg stas, og fint at den passa til den grøne knappen.

så mange tema ein kan skrive om

og likevel..
eg har vore ganske slapp i det siste. ikkje berre på bloggen, men sånn elles og. Sjuke ungar hjelp sjeldan på energinivået gitt. Ikkje for det, har ungar som stort sett er friske og raske. og sjølv når dei er sjuke har dei til dags dato ikkje vore meir enn normalt forkjøla og med handterbar feber. heilt ok altso. Poenget er likevel at det blir lite overskot att til andre ting.

I kveld tenkte eg derimot å få skrive litt. med snuppene i seng, ei med dyne, ei utan, alt som normalt med andre ord, så er eg klar.

Så var det desse temaene eg tenkte å ta opp. Det var ADECCO og det var japan, men eg landar på noko litt nærare og litt koseligare: ODA!

me har fått ein liten babyfisk i akvariet vårt. Her ein dag sa Malene, baby? Og eg sa HÆ? Så såg eg mellom plantene der, og jammen. Ein bitteliten fisk, raud og med digre augo. Oda heiter ho og et seg større for kvar dag som går! Tenk so moro! Me som trudde me hadde to hoer i karet, men det spørst om det kanskje kan vere ein hanne den eine hoa, ja! Me skal i alle fall vente med å kjøpe nye fiskar til Oda er stor nok til å forsvare seg, slik at ho ikkje endar som lunsj!

Ha ein fin kveld!

Fine trappa

Dårleg bilde, men er stolt av den fine trappa mi altso. Mannen litt skeptisk, men klaga ei på resultatet.

skryte skryte

Sjekk så fin mann.. og gensar. Vart ferdig med prosjektet og mannen er glad. Eg har festa dei aller fleste trådane til og med, så dette er jo verkeleg velstand.

Må jo berre skryte masse av det deilige garnet, cashwool irregular frå pickles. 35% cashmere og 65% ull. mjuk og varm gensar, og litt dyr. mønsteret var enkelt, i alle fall med litt hjelp frå FB og youtube. pickles.no er verkeleg plassen for slike som meg.

Eg kan no skryte av å ha strikka ein gensar, lurer på om neste utfordring skal dreie seg om noko heilt anna enn garn!

Fin kveld til alle tre føgarane mine, tjihi! Og fin kveld til alle andre som sikkert les utan å følge fast. :-)

pakkeliste til Cuba

Kom på at eg faktisk kan trenge ei bok eller tre til ferieturen. 14 dagar utan ungar og med selskap av ein trønder. Det MÅ jo bli rom for lesing då?

Nokon som har tips til gode og lettleste bøker som egnar seg på ei solseng på Cuba? Kan gjerne nytast saman med ein mojito..

februar

I dag er det 1.februar. Det betyr at eg skal sette meg på flyet til Cuba, ferie, sol og varme om mindre enn 20 dagar. Eg som nesten ikkje har vore kvalmande glad eingang. Juhu! 14 dagar skal vere heilt ok, men det blir i lengste laget å vere vekke frå søte små. Og i lengste laget å vere samen med søte store? Hm, nei, det går nok bra!

strikking og skilnaden på kunnskap og vilje

eg strikkar, difor er eg.. eller noko heilt anna.
Eg har aldri vore særleg god med handarbeid, mest fordi tolmodet ikkje har vore så velutvikla, men dels også fordi det er andre greiner i slekta som driv med slikt. Dei gjer det bra. Har aldri vore så flink til å motivere meg sjølv med aktivitetar der eg veit at andre gjer det mykje betre, med halve innsatsen.
uansett, no strikkar eg. Eg strikkar gensar. den er visst veldig lett. Same det, eg tykkjer det er både moro, frustrerande og ja, litt av det meste. ikkje så moro eigentleg, når eg tenkjer meg om. det som er moro er å sjå at det faktisk etter kvart kan minne om det det skal bli, ein gensar.

Etter å ha strikka bolen og to armar er tida komen for å sette den saman. Armane skal strikkast på, så etter å ha tredd på armane på kvar si side (sånn ca i alle fall), var det den verkelege utfordringa starta. strikk vridd.. vridd liksom.. eg kan rett, vrang og perle. Ganske stolt av at eg kan perlestrikk faktisk, men det hjalp meg ikkje no.

Eg la, truskuldig nok, den setninga i oppskrifta som eg ikkje forstod, på facebookstatusen min. Det var då først eg skjønte kor mange strikkande vener eg har.. 45 kommentarar, det er i overkant. Dei vil ringe, sende mms-video, bildeserie, gir tips om nettsider og ja.. Eg er imponert. Klart, nokre kommentarar var forståelege for meg, som "ta deg ei øl" og "byt hobby!". Men resten.. imponert.

Så, no må eg til pers, og presset har auka. eg må jo no vise at eg forstår og at eg kan fullføre.

Fortsettelse på Deangenser følger..

Forresten er oppskrifta og garn kjøpt på pickles.no. der er det så mykje fint!

lat søndag

ein strålande dag med sol og varme.
Jentene er i bursdag og mannen er på jogging. Vart brått litt stressa sidan eg seig ned i sofaen med ein gang huset var tomt. Opp og ut. eller knaksje ikkje dra så langt. lova naboen at eg var heime om småttisane treng mammastøtte. Tøffe tak med fireårsdag. Men uansett, opp av sofaen. Ned i hagen og hente skia i det minste. har jo vore ein tur i den nydelege hagen vår i dag. Akebrett, huske og ski. Det er stas det!

der fann eg det eg leitte etter, trur eg

Eg har jo vore på leit etter litt kule tapetbilder, og no har eg funnet eit par sider der eg kan leite og finne..

http://www.happylines.no/inspirasjon.html
stiligevegger.no

Så får eg jobbe litt med kva veggar eg skal dekorere...

Besøk hjå bestefar

Heidi er med pappa til trondheim. Dei har vore og besøkt bestefar og oldefar, stas! Eg og Malene gler oss til dei kjem heim!

travelt?

I går såg eg Top Model USA. Jentene kom til New Zeland og skulle på photoshoot med ein sau som heitte Prince.. Seriøst, kor travelt kan eg då ha det?

Året går mot slutten og her er regnskapet

1. Hva gjorde du i 2010 som du aldri har gjort før?
Strikka eigendesign. Eg som ikkje kan strikke i det heile fekk meg eit mestringskick av dokkevesten!

2. Holdt du nyttårsforsettene dine. Og vil du lage nye?
Ja, eg skulle drikke meir, og det har eg gjort. No er det tid for nye, vere meir spontansosial, sjå muligheiter, vere positiv..

3. Ble noen som står deg nær mor eller far?
Ja, det er kome til verda fleire heldige verdsborgarar som har valgt gode foreldre. GRATULERA!

4. Døde noen som sto deg nær?
Nei, i 2010 var det heldigvis lite død.

5. Hvilke land har du besøkt det siste året?
Sverige, Danmark og Tyskland

6. Hva ønsker du deg neste år som du har savnet?
sakne, ein frys.

7. Hvilke datoer i 2010 vil du aldri glemme, og hvorfor?
Gløymer nok datoar, men kanskje ikkje minner?

8. Hva er det største du har oppnådd i år?
Det største er alltid jentene, år etter år!

9. Hva var din største nedtur?
Nedturane er små, i alle fall sett i ettertid.

10. Har du vært syk eller skadet?
Er forkjøla no, ja. Lite sjukdom.

11.Hva var ditt beste kjøp?
Raude regnkåpa mi, kanskje?

12. Hvem fortjener din hyllest for oppførselen sin?
Mamma, mannen, sjefen.. mange bra folk!

13. Hvem sin oppførsel gjorde deg nedstemt/lei deg?
Ingen eg kjem på.

14. Hva gikk mesteparten av pengene dine til?
Det lurer eg og på! Mat, hus ungar..

15. Hva gjorde deg veldig veldig veldig oppspilt og glad?
3x veldig.. vellukka sykkelferie?

16. Hvilken sang vil alltid minne deg om 2010?
Kosinus!

17. Sammenlignet med denne tiden i fjor, er du ...
a. Gladere eller mer nedstemt?
gladare, jula i fjor var fæl!
b. Tynnere eller tykkere?
tjukkare, drikk meir, søv meir, et meir..
c. Rikere eller fattigere?
er alltid blakk!

18. Hva skulle du ønske du gjorde enda mer av?
sov, trena, strikka, gjorde nytte for meg, les for ungane..

19. Hva skulle du ønske du gjorde mindre av?
tenkje på det eg ikkje får gjort noko med.

20. Hvordan vil du tilbringe julen?
sidan jula no er over.. heime.

21. Ble du forelsket?
glimtvis, og heldigvis i same mannen kvar gang :-)

22. Hvor mange one-night stands hadde du?
ingen

23. Hva var ditt favorittprogram på TV?
tv, ja.. Dora, Kosinus?

24. Hater du noen nå som du ikke hatet på denne tiden i fjor?
nei

25. Hvilken bok er den beste du har lest i år?
Boktyven

26. Hva var årets beste musikalske oppdagelse?
å oppdage at eg kan høyre musikk att. at det er tid etter legging..

27. Hva ønsket du deg – og fikk?
snille, friske ungar

28. Hva ønsket du deg – og ikke fikk?
rolege, veloppdragne ungar..

29. Hva var årets beste film?
Inception?

30. Hva gjorde du på bursdagen din?
Var på Tusenfryd med familien og resten av telenor.

31. Hvilken enkeltting/-person har gjort året mye mer tilfredsstillende?
middagshjelpen

32. Hvordan vil du beskrive klesstilen din?
so last.. whatever..

33. Hva har holdt deg i mental balanse?
er eg i balanse?

34. Hvilken kjendis likte du best?
å, meg og kjendisar.. Inga Marte

35. Hva i politikken har opprørt deg mest?
lokalsjukehus og undergangen ved G.Schjelderupsvei!

36. Hvem savner du?
Lene!

37. Hvem var den beste nye personen som kom inn i livet ditt?
Heidi

38. Fortell en viktig livsvisdom du har lært i år?
stao pao!

39. En sangtekst som oppsummerer året.
næh. nuss nuss kosinus?

Eg fann denne lista hjå Dobbel lykke, som og hadde rappa den frå ein blogg. Ei grei oppsummering.